有一次，北风同日头喺果度拗边个嘅本事大。
拗嚟拗去就系分唔出高低。
呢阵时条路度嚟咗个行路人，佢着住件厚大褛。
佢哋两个就讲定咗，边个能够使得呢个行路人除低佢件厚大褛，就算边个嘅本事大。
北风就出力噉刮起上嚟嘞，不过佢越系刮得犀利，果个行路嘅人将件褛揽到越实。
后尾北风冇记嘞，惟有就算数嘞。
过咗一阵，日头出嚟嘞。
佢火辣辣噉一晒，果个行路嘅人即刻就将果件厚大褛除落嚟嘞。
呢下北风惟有承认，佢哋两个中间仲系日头嘅本事大。