第一首，月亮。（男唱）
1,Ronghhai
Haemhnix Ronghhai saw ,
Ronghhai saw baenz gingq ,
Seiqfueng saw baenz yuz ,
Giuz lw***x baenz cienh ,
Cienh baenz raemx cimq fai ,
Cienh baenz vaiz cienq rungh ,
Vaiz cienq rungh gwn fiengz ,
Hunz liuh biengz gwn hiq ,
Gwn hiq daejfitfit ,
Gip gwn haeux ndij gaeq ,
Gaeq gwn naed haeuxsan ,
Gu gwn faeuz haeuxgok ,
Ok rog baenz maz hunz ,
Guh hunz mij lumj fwx .


第二首，一把石头（男唱）
2，Nyumq hin
Mwhgonq gu lij i,
Mwhndin gu lij iq.
Gip hin iq guhcaemz ,
Rumz daengz gu gag yuq .
Gu gag yuq gyang nangh ,
Gu gag banh　 gyangluengq .
Sam ngued gw nengznyaek ,
Seiq ngued ciengx nengznyungz .
Nengznyaek rumj baenz gun ,
Nengznyungz haeb baenz faj .
Gaeq gwn mbouj gaeq daenj ,
Ndang rwix lumj sacienz .
Ndang mij bengz lumj nuengx .


第三首，靓仔（女唱）
3，Lwgmbauq靓仔
Hunz lawz yuq baih uenj sohyaep,
Maexdaek naeuz maexbeih ?
Lwgsaeq naeuz lwgvuengz ?
Rongh baenz　 daengngoenz ok ,
Ok baenz ndok lizci.
Mbauq numh naeuz bohranz ?
Mbauq numh nuengx fwen lanz ,
Bohranz nuengx fwen doiq .
Go ok hoen seizmauj ,
Nuengx ok daeuj seizciz.
Seiznix raeuz doengzbungq,
Raeuz doengzbungq byaij biengz .
Daeuj raeuz gip makraeq ,
Daeuj raeuz doiq bi ndwen ,
Daeuj raeuz fwen doengzdoiq .


第四首，鸳鸯
4，Bit gyaeujloeg 鸳鸯（男唱）
Song duz bitgyaeujloeg,
Ngoeg gwn raemxmboq ndenq ,
Nenh gwn raemxmboq sang ,
Cuengq ndang roengz dahhaij .
Song raeuz byaij doengz coh ,
Song raeuz cib faen mingh .
Cib mboq conz guh dingh ,
Bak dingh conz guh daemz ,
Namh bouj canx mbouj lak .
Bak bi conz guh ndwen ,
Raeuz mij dwen doengz aiq .


第五首 鹧鸪
5.Roegfek 鹧鸪（女唱）
Roegfek dih lawz raez ?
Gaeqgae dih lawz rwenz?
Gaeqdwenq dih lawz haen ?
Mbauqcaem dih lawz ok ?
Ok rog bux lawz fwen ?
Hawj saemmaenh maiq luenh .
Saem gu luenh baenz　 yuz ,
Saem gu fuz baenz cauq ,
Fuz baenz cauq maex’em .
Saem gu venj rongzdoq,
Saem gu goj rongzdinz.
Ndi ndi mbin riengz bix .


第六首，刚竹。
6,Maexbeu 刚竹（男唱）
Ci’dah bae liqlaj,
Haen cib haj caz beu.
Mij haen diuz lawz soh ,
Mij haen loh lawz yunz .
Gag haen diuz nix soh ,
Gag haen loh nix yunz .
Gag haen mwngz dwkndiep,
Dwkndiep ndej fuq da ,
Dwkda ndej fuq bak .
Fuq da nyaemxnyex caek,
Fuq bak nyaemxnyex mboeng .
Mboeng baenz gung danh faiq,
Gung danh faiq lij raiz .
Naj nuengx nangz hauunq ,
Saundi hunz lawz bij ?

第七首，慈竹（女唱）
7，Maexnaem慈竹（女唱）
Ci’dah bae liqlaj ,
Bungq cib haj caz naem,
Goek diz caem caemh baih .
Bungq lwg daih fwx fwen ,
Fwen lumj yuz lumj lauz ;
Fwen baenz byaekraegdah ,
Byaekraegdah hau fuz ,
Fuz bae caep duengq’ed .
Mbauq cib caet fwen cied ,
Mbauq cib bet fwen gvai .
Hawj nuengx dai ndang unq ,
Dai ndang unq lumj mungz ,
Dai mij lumz lw***x .
maexnaem为壮乡常见的一种竹子，即慈竹。壮语中naemj有渴望思念的意思，歌中取其谐音双关，表示一见倾心，非常渴慕对方。

第八首，独子
8，Lauxhunzdog 独子 （男唱）
Haemz mingh gu mbouj baenz ,
Meh gu miz lwgdog.
Youq ranz goj bux dog ,
Ok rog goj daep du .
Rap raemx hunz dog gwn ,
Rap fwnz gag guh ndaengj .
Haemz bae rih bae naz ,
Bae rih go gag bae ,
Bae naz go gag dauq .

第九首，开口笑
9，Hai bak riu 开口笑（女唱）
Gwn hiq nyiengh maz lai ?
Baz gvai mwngz goj ndaej .
Gwn hiq nyiengh maz cawz ?
Gvanbaz yawz doengz lumj .
Yuq ranz song ok rog siq ,
Go gwn hiq nyiengh maz !
Rap raemx song hunz gwn ,
Rap fwnz song hunz ndaengj .
Mwngz bae rih bae naz ,
Gvanbaz riu doengz coh .


第十首，枫叶
10，Mbawraeu枫叶
Ndwencieng mbawraeu rih ,
Ndwenngih mbawraeu bik .
Hunz lawz nyib buq maiq ?
Hunz lawz bouj haenznaz ?
Hunz lawz vaz gyaj’unq ?
Hunz lawz hwnq gyaeng haet ?
Hunz lawz baet gyaeujdoiq ?
Hunz lawz swnh fizgvan ?
Hunz lawz dang ranz bix ?


第11首，枫叶。
11，Mbawraeu 枫叶（女唱）
Ndwencieng mbawraeu rih ,
Ndwenngih mbawraeu bik .
Daeuj raeuz nyib buhdaeuh ,
Daeuj raeuz bouj haenznaz .
Daeuj gu vaz gyaj’unq ,
Daeuj nuengx hwnq gyaeng haet .
Daeuj gu baet gyaeujdoiq ,
Daeuj nangz swnh fizgvan .
Hawj hoiq dang ranz bix .

第十二首，油蚂蚱
12，Daeklizci油蚂蚱（男唱）
Nuengx naengh rox gangj yawz ,
Meh mwngz dwg hunz lawz ?
Miz mwngz yawz lumj saeq .
Bak maeq daeklizci ,
Dinfwngz hau lumj ruengx .
Mwngz guh nuengx hunz lawz ?
Naeuz hawj go roxndeq .
Go roxndeq hwnj roengz ,
Go laeg nwh bae dauq .

第十三首 荒园韭菜13，Byaekgyep suenfwz
Cez go laek cam gu ,
Meh gu miz gag gu .
Lumj maknuenh byaigo ,
Lumj makraeq byaicaz .
Lumj byaekfuz naz dek ,
Lumj byaekgyep suenfwz .
Hunz lawz lw lumj maiq ?
Hunzmaiq gu gyik dwen ,
Hunzlw gu gyik lwnh .
Lwnh coh bix najraiz ,
Lwnh coh gvang naj ndat .

14，Raemxda doek 流泪（男唱）
Haemz naengh haemz ,
Haemz ga dah nix goz ,
Haemz aen bo nix gek ,
Haemz go’em daengq caz ,
Haemz song raeuz daengq mbanj ,
Mbouj unh ndaej caemh ranz .
Hawj byai canz doengz yiuq ,
Bux yiuq bux swiq din ,
Hunz cim hunz swiq naj ,
Gaennaj dumz caemh dumz ,
Ut fwngz hawq caemh hawq ,
Mbaw nuengx hawj nuengx lumz ,
Mbaw go dumz lij nwh .
Go lij nwh nuengx lai ,
gwn hiq nuengx miz gvan ,
Gangj coenz van yaeuh maiq .