The One
第一位 陈豪
一年之内，陈豪经历了被前度拖新仔抛弃，成为全港第一惨男人，而回复单身后，即被无线大量花旦、姐仔所有雌性动物吼实，获封为第一笋盘称号，点知话咁快就俾陈茵媺全面收购，两人更被影到喺深井爱巢互餵，陈豪一百八十度变成 No.1 Sweet heart，幸福到冇人有，再加埋一年之内拍咗八个广告，产量之多令佢跃升无线搵钱龙虎榜排名第一艺人，样样嘢都攞第一，难怪要陈豪形容呢一年内发生嘅事，佢只讲了一个字：「顺！」
Wardrobe： Burberry Prorsum
Make-up： Marsha Ma@A＆V Make Up School
Hair： Ivan@Headquarters
Accessories： David Yurman

下次再见？
第二位 佘诗曼
离开无线北望神州，原来佘诗曼已经唔经唔觉离巢一年，只不过呢一年里面，无线仲不停播佢有份演出剧集《花花世界花家姐》、《天与地》同《 4 in Love》，所以觉得阿佘好似冇走过咁，但当所有存货已播晒，而佢欠无线尚有廿集，几时开拍？遥遥无期，呢段时间要喺香港睇到阿佘嘅戏，相信要上土豆网或者 PPTV先可以见到佢喇！
「无错，我依家喺香港嘅时间的确少咗，最初都以为唔会适应，点知我适应能力好强，我已经好钟意喺大陆拍戏嘅生活，工作时间唔使咁长，私人时间都多咗，做人都放松啲……」阿佘一路咬住 pizza个样好满足咁讲。
虽然见到今日嘅阿佘状态同收入都好过之前，但谂起呢十一年嚟，同阿佘一年一度嘅约会（壹电视颁奖礼），下一年好大机会见佢唔到（因为无线冇佢嘅剧出街，但又未拍得香港其他电视台住），我惊反而系我未适应唔到！ Accessories： David Yurman
Wardrobe： THE 2ND SKIN@Harvey Nichols
Make-up：江中平＠ A&V Make Up School
Hair： Lorraine Lam@Hair Culture

逃！！
第四位 张可颐
已经过档王维基做「城电一姐」的张可颐，临走前凭住无线剧集《法证先锋 3》，擸埋十大电视艺人第四位。决定离开效力十七年的机构，张可颐表示唔系因为无线合约条件苛刻，倾到不欢而散，而系觉得十七年喺同一机构打工其实好唔正常，「嚟紧香港会多几个电视台，我觉得对电视行业系好事，转工其实系一件好平常嘅事，去到新环境，一定会学到唔同新嘢，好似最近去大陆拍剧，而家大陆剧组认真程度同工作效率，都令我大开眼界，如果我唔行出去睇吓，我唔会见识得到！」
但系最多人怕，就系万一成为叛将后，无线会从此封杀，冇得返转头，「喺商业社会上，冇嘢系永远，我走之前都有见过乐小姐（乐易玲）、珍姐（曾励珍）同陈生（陈辉光），大家都无唔开心嘢发生，同埋我相信咁大间机构，唔会咁小器有呢啲（封杀）嘢发生？」
虽然过往有唔少人过档亚视又返转头入无线，但我推测以张可颐呢类性格巨星，走得出呢个门口，就冇谂过返转头。 Wardrobe： Stylist Own
Make-up： Jessica Chan Hair： Kel Fung@HHhair.nail

自我毁灭
第六位 黄宗泽
黄宗泽同胡杏儿拍拖以来，从来冇刻意隐瞒情侣关系，最近黄宗泽更以「我屋企个女人」称呼胡杏儿，坦白程度越来越高，眼见同期大多数小生都选择扮晒纯情，唔会拍拖只爱粉丝，直到俾人将床照公开，都要扮感情缺失搏同情，黄宗泽的确与众不同，「我从来都冇当过自己系偶像派！」
就因为黄宗泽自我毁灭偶像面具，冇当自己系圣人，唔使吓吓 Chok住晒，所以拍戏时唔使就住斋演正派，好似喺《潜行狙击》里面做跛脚古惑仔「跛 Co」，打真军用脷「赖」鞋底，甚至自度同徐子珊连场性战，一样可以抢过 Laughing（谢天华），难怪连曾志伟同一些电影导演都先后公开赞，喺芸芸无线小生中，黄宗泽可塑性最高。 Accessories： David Yurman
Wardrobe： GAETANONAVARRA@LB UOMO
Make-up： Cyrus Lee@Beauty Tech
Hair： Kel Fung@HHhair.nail

星空奇缘
第八位 杨怡
连续三部剧都做专业人士，《点解阿 Sir系阿 Sir》纯情女教师，《真相》正义律师，同《 On Call 36小时》绝症医生，当中杨怡表示最钟意《 On Call 36小时》，「我觉得医生呢个角色好神圣，又正面，传递到好多爱嘅信息！」
亦因为《 On Call 36小时》，令到 dry咗好几年，冇绯闻传过嘅杨怡终於开斋，盛传拍剧期间同男主角巨胸罗仲谦拍出真感情，秘密展开恋情。
一提起谦谦，杨怡即刻甜笑，「今次拍剧识咗好多新朋友，有好多都系新人，个个都好有上进心，好努力，我哋大家互相扶持，当然洋葱（罗仲谦戏中角色）戏里戏外都起到开心果作用，令到大家都好开心。（同罗仲谦有冇火花？）当然有啦，唔单止佢，同个个对手都有……」
拍到一部有收视有口碑剧集，更抢先被推举为今届视后大热，加上有位新「拍档」互相扶持，难怪杨怡对《 On Call 36小时》情有独钟。 Make-up： Marsha Ma@A&V Make Up School
Hair： Ben Lam@M.isalon

强国攻略
第九位 郑嘉颖
42岁已经系中坑级数的郑嘉颖，去年喺《怒火街头》露股罅成功突围，做埋无线双料视帝都不特止，又俾佢拍到部大陆热爆《步步惊心》，即时一洗霉气。现在郑生喺强国十分抢手，佢自夸拍每集大陆剧收成三十万人仔，拍得住黄晓明咁劲喎！不过收几多钱一集，其实都无乜兴趣想知，我关心港佬郑嘉颖呢段时间喺大陆，嗒过几多件强国肉旦。 Accessories： David Yurman
Wardrobe： SaronaStudio
Model： Juna Kim@Starzpeople
Make-up： Carrie Chan@SaronaStudio
Hair： Sarona Lo@SaronaStudio
TV Product:Toshiba

女神来了
第十位 陈法拉
陈法拉影呢辑相嘅时候，佢话觉得自己好似喺堆填区中升起嘅恶魔，十足死神来了。的而且确法拉唔笑嘅时候，俾人感觉 cool到难以捉摸，所以上年佢加入「视后」大战，结果被安排做反派，以既狼且辣手段抢奖嘅大恶魔，但最后空手而回，更万箭穿心兼工作过劳捱出病，要停工休养。「每件事都有得失，套剧（《潜行狙击》收得，俾人赞做得好，会好开心，但之后嘅新闻绝对系预料之外，令我好不知所措，其实俾人写一两次过失都冇乜所谓，但系俾人写衰写得多始终唔系好事，不过呢啲都冇得由我控制，好似我初入行都俾人写我姣，但系过一段时间，演番啲正派角色，同埋做好本分行得正企得正，啲观众会睇得清我为人！」目前法拉仍然在休息复修阶段，每日瞓足八个钟，狂煲碟同睇书增值磨炼演技，将能量沉淀后，由死神变回女神嘅法拉将再次归位。 Wardrobe： EMILIO PUCCI
Make-up： Annie G. Chan
Hair： Garius@IL COLPO

[壹电视大奖 2012]最抢戏男配角 机会?命运 黄智贤
黄智贤入行二十三年，上年先凭「辣姜」一角，喺无线颁奖礼上夺得演艺生涯第一个奖项「最佳男配角」，其实早喺十五年前，黄智贤亦凭《真情》里面经常死老婆嘅痴情戆男阿海，得到全港 C9同情，系上位嘅好机会，点知命运偏偏安排佢离开无线，四年后再重返，不过所有嘢都重新嚟过，做咗五六年行行企企角色，直到「辣姜」出现，无线即刻搵佢续约，其他电视台亦搵佢过档，要再一次做抉择，黄智贤选择留低。「我净系知道续约之后，我嘅戏份一部比一部多，而家喺《雷霆扫毒》做紧林峯嘅上司，同阿峯好多对手戏，你问我想唔想做男主角？我梗系想啦，但系已经过咗一定要做嘅阶段，呢啲嘢始终唔到自己控制……」又唔使咁灰，黎耀祥都做咗十几廿年配角，而家咪又系当红一线小生，睇吓命运点安排！ Wardrobe： LIBERTY of LONDON/ KRISVANASSCE@Harvey Nichols
Models： Patricia K/ Emilie D/ Phenix(All from Dreamodels)
Make-up on models： Carrie Chan@SaronaStudio
Hair on models： Sarona Lo@SaronaStudio

[壹电视大奖 2012]最抢戏女配角 裙下之臣 陈敏之

[壹电视大奖 2012]最有前途男女艺人 中女和家明 张景淳 乐瞳
今年两位最有前途男女艺人，都有一个令人深刻嘅角色，男嘅就系《天与地》中俾人食咗嘅「家明」，女就有《点解阿 Sir系阿 Sir》反叛女学生「中女」，两个人喺现实中未必俾观众嗌得出真名，但一定记得出佢哋喺剧中角色名，现在郑重向大家介绍「家明」真名叫张景淳，「中女」真名叫龚茜彤艺名乐瞳，各位记得就记啦！ On张景淳
Wardrobe： Patrizia Pepe On乐瞳
Accessories： Patrizia Pepe
Wardrobe： Collette@Harvey Nichols
Make-up： Vinci Tsang@idees image
Hair： Bowie Chin G.

[壹电视大奖 2012]赞助商大奖

惠而浦绿惜星色艺人大奖 陈豪 Wardrobe： BALDESSARINI@LB UOMO

MOISELLE高雅时尚女艺人大奖 胡杏儿 Wardrobe： MOISELLE

Toshiba声色非凡艺人大奖 钟嘉欣 Wardrobe： TIBI@Harvey Nichols
Accessories： MIRIAM HASKELL@Harvey Nichols

GlamSmile最佳笑容艺人大奖 佘诗曼 Wardrobe： Badgley Mischka@Harvey Nichols

Cellbone蜕变美肌女艺人大奖 徐淑敏 Wardrobe： JAY GODFREY@Harvey Nichols
Accessories： BULATTI/ DANNIJO@Harvey Nichols
Make-up： Winki Tsang@idees image
Hair： Green Cheung@Chin G.