上个星期，乐坛嘅第3、4张成绩表终於都派埋喇，当中除咗一贯攞开奖嘅大赢家之外，亦都有唔少「惊喜」俾到大家。如果要数最大嘅一个「惊喜」，一定非 「Chok王」林峯莫属喇，皆因佢Chok到街知巷闻，仲凭住「Chok」呢首歌攞埋〈十大劲歌颁奖典礼〉嘅金曲金奖，真系唔写个服字俾佢都唔得。不过阿 峯话今年要超越旧年嘅成绩，所以决定要起3飞喎！咦？阿峯讲到咁扬，唔惊公司闹呀？原来佢讲紧嘅系歌、影、视3方面嘅成绩都要继续起飞，仲话龙年要突破过 往嘅自己添。唔通阿峯已经谂定继「Chok」之后嘅杀手鐧？